Maele a mahlano a go bjala serapana sa gago sa merogo seruthwane se

Ka lebaka la ditshenyegelo tša godimo tša bophelo le go hlatloga ga ditheko tša dijo, Maafrika Borwa a mantši a katanela go ba le dijo.1 Setemere ke sehla sa go bjala ka Afrika Borwa, gomme boemo bja leratadima le mmu dikarolong tša ka leboa tša naga ya rena, kudukudu Limpopo, Mpumalanga le Tshwane, di loketše go bjala dibjalo. Premier FMCG, mmogo le Food & Trees for Africa, ba bjala dirapana tše ntši tša merogo tša sekolo sa Super Sun ngwageng wo le go abelana ka maele a bona a maemo a godimo ka ga ka fao o ka bjalago serapana sa gago sa merogo seruthwane se.

“Ke tsela efe e kaone ya go thabela matšatši a borutho le a matelele a seruthwane go feta go ipšalela serapana sa gago sa merogo? O tla ba le merogo e mentši e foreše yeo o ka oketšago dijong tša gago ka yona, e go fa dikotla tseo o di nyakago dijong tša go ba le phepo. Se se a fihlelelwa ebile se na le mohola go malapa a Afrika Borwa,” go bolela Sibongile Mooko, Khuduthamaga ya Papatšo go Premier FMCG. O tlaleletša ka go re: “Ga se fela gore o tla be o boloka tšhelete, eupša gape go na le selo se sengwe seo se tlogo go tšwela mohola ka go ja dijo tše foreše tšeo o di bjetšego ka bowena.”

Ka tokišetšo ye gabotse, go bjala sekgoba sa gago ya merogo go ka ba bonolo.

Maele a mahlano a gore o thome ke a:

1. Bogolo bo bohlokwa
Go bohlokwa go beakanya gore o nyaka sekgoba se se kaakang. Ipotšiše gore o nyaka go bjala merogo e mekae. Dimithara tša dikwere tše mmalwa gantši di lekane go bjala dijo tša motheo ka gae. Le ge go le bjalo, ge o nagana go dira go go ntši ebile o nyaka dijo tše di lekanego go fepa lapa la gago ka botlalo, go šoma mmogo le maloko a mangwe a setšhaba sa geno go bjala merogo ye mentši mmogo ke kgopolo ye botse kudu.

2. Boleng bja mmu
Mmu wo mobotse, wo o nonnego o humile ka dikotla ebile e le wa mmala wo moso. Ge e ba mmu wa gago o omile, o na le mohlaba, goba o bothata kudu, nagana ka go reka mmu o mongwe wa ka godimo le monontšha. O ka ba wa ithomela mokgobo wa gago wa manyoro.

3. Lefelo
Seetša se bohlokwa. Se se ntši kudu goba se se nnyane kudu, gomme merogo ya gago e ka se gole. Go bohlokwa go hwetša tekatekano ye e nepagetšego ya seo o se bjalago. Goba mohlomongwe dira dikgoba tše pedi tše nyane, se sengwe se be moriting gomme se sengwe se be letšatšing. Kgonthiša gore o bjala moo merogo ya gago e tlago šireletšwa le go bolokega go diphefo tše maatla.
4. Kgetha merogo ya gago
Kgetha motswako wa merogo le mešunkwane yeo o e ratago gomme o latele ditaelo go e katologantšha ka tshwanelo.

Nagana ka go bjala merogo ye e nago le dikotla tše ntši le mešunkwane yeo e loketšego go bjalwa ka seruthwane. Tše di akaretša sepeneše, khonofolo, dierekisi tše tala, aseparakase, pitiruti, ekepolante, ditamati, khabetšhe e khubedu, le kholifolawa.2
5. Phetošopšalo ya dibjalo
Dibjalo tše di fapanego di goga dikotla tša go fapana go tšwa mmung wa gago. Ka fao go efoga go šomiša dikotla tša tšona ka moka, dikološa/fetoša dibjalo tša gago ka go bjala morogo wo o fapanego karolong ye nngwe le ye nngwe ka morago ga puno ye nngwe le ye nngwe.

“Re ikgantšha ka Dirapana tša Super Sun tše senyane tšeo di šetšego di bjetšwe gape re thabile go bjala Dirapana tše dingwe tše tshela tša Sekolo ngwageng wo. Diprotšeke tšeo di godišago boiphedišo bja nako e telele, thušago dijo tša tlaleletšo le go fa phepo e kaone di bohlokwa go rena,” go bolela Luyanda Ntuli, Molaodi wa Lenaneo go Food & Trees for Africa.

“Ditšweletšwa tša Super Sun di file dijo tše di humilego ka dikotla mengwaga e 50. Tšhomišano ya rena le Food & Trees for Africa e bile ye e atlegilego yeo e hlohleleditšwego ke maikemišetšo a rena a go tšwetša pele boiphedišo bja nako e telele, go ruta ditšhaba ka ga phepo le go šomela go fediša bohloki ka gae,” go bolela Mooko.

“Dipuno tšeo re di bunago ka moso di tla ithekga ka mo go feletšego godimo ga seo re se bjalago lehono. Re holofela go hlohleletša Maafrika Borwa ka moka go šomiša tikologo ya rena ya tlhago ye e makatšago le go thoma lehono!” Mooko a feleletša.

Go hwetša tshedimošo ka botlalo ka ga Super Sun, ikgokaganye le Sibongile Mooko, Sibongile.Mooko@PremierFMCG.com | 079 499 5765.
Ditšhupetšo
1. https://businesstech.co.za/news/lifestyle/581870/food-prices-in-south-africa-continue-to-soar-and-worse-is-still-to-come/
2. www.healthline.com/nutrition/14-healthiest-vegetables-on-earth

CLICK HERE to submit your press release to MyPR.co.za.